D.3.1 – Ризница на алатки и видеа, ресурс кој покажува како дизајнерското размислување може значително да ја зајакне младинската вклученост и да придонесе за одржлив локален развој е веќе достапен..
Документот е резултат на паневропска партиципативна анализа, реализирана во соработка со партнери од повеќе земји. Во него се истражуваат пет клучни пристапи:
- Дизајн Тинкинг за одржливост
- Инклузивен Дизајн Тинкинг
- Естетски ориентиран Дизајн Тинкинг
- Ко-креација и соработка
- Решавање проблеми и иновација
Што вклучува?
Содржи 20 инспиративни практики од цела Европа, од кои дел беа презентирани на Паневропската конференција за дигитално образование. Дополнително, вклучени се и 121 идеја од интерактивната дискусија „Како да го поедноставиме дизајнерското размислување“, кои ќе послужат како основа за новиот DIY прирачник.
Секоја практика е претставена со реални примери, детални чекор-по-чекор насоки и препораки за адаптација во локален контекст – од оживување на јавни простори преку младински урбани игри, до создавање кружна економија преку повторна употреба на материјали.
Зошто е значајно?
Истражувањето покажа дека кога младите се вклучени од самиот почеток, се создаваат решенија кои се истовремено иновативни, изведливи и усогласени со вистинските потреби на заедницата. Од урбани градини во Кавадарци до инклузивни културни простори во Амстердам – примерите ја докажуваат силата на овој пристап.
Следниот чекор е Дизајн Тинкинг да стане пристап достапен за секоја младинска група и општина. Со развојот на DIY прирачникот ќе се обезбедат конкретни алатки кои ќе можат да ги користат наставници, младински работници, локални активисти и организации – за поинклузивни, поодржливи и поуспешни заедници.
