Со особено задоволство го најавуваме почетокот на проектот ECOSOCIAL VOICES (Empowering unprivileged young people to become influential ecosocial voices through civic monitoring) – иницијатива која има за цел да им даде простор и поддршка на младите да станат активни и влијателни гласови во своите заедници.
Проектот се реализира во рамки на програмата Erasmus+, поточно преку акцијата Cooperation Partnerships in Youth (KA220-YOU), и обединува партнери од неколку европски земји со заедничка мисија: да се зајакне улогата на младите во еко-социјалната трансформација.
Главната цел на ECOSOCIAL VOICES е да овозможи 100 млади лица од ранливи категории да стекнат знаења, вештини и самодоверба за активно учество во процесите на промена – како на локално, така и на лично ниво.
Преку проектот, младите ќе имаат можност да:
- ги разберат подобро еко-социјалните предизвици
- се вклучат во процеси на граѓанско следење (civic monitoring)
- придонесат со конкретни идеи и решенија во своите заедници
- развијат поодговорен и одржлив начин на живот
Како ќе го постигнеме тоа?
Во текот на имплементацијата ќе се реализираат повеќе активности насочени кон практично учење и активно вклучување на младите:
- развој на интерактивна програма за интрапретприемачки вештини
- формирање младински групи за граѓанско следење
- организација на локални настани и форуми со различни засегнати страни
- изработка на практичен водич за напредни практики во civic monitoring
- обука на младински работници преку европски bootcamp
- креирање онлајн платформа за споделување резултати и ресурси
Што очекуваме како резултат?
Проектот ќе донесе конкретни и применливи резултати, меѓу кои:
- microlearning програма за млади
- вклучување на 100 млади во процеси на граѓанско следење
- организација на 15 локални настани
- подготовка на препораки за политики
- зајакнати капацитети на младински работници
- достапна мултијазична онлајн платформа
Проектот е предводен од MVidee (Холандија), а се реализира во партнерство со Mindshift Skills Hub LDA (Португалија), Фондација на бизнисот за образование (Бугарија), Eco Logic (Македонија) и Центар за кариери на млади Дубровник (Хрватска).
Проектот веќе официјално започна со првиот онлајн состанок на партнерите, на кој ги поставивме основите за соработка и ги договоривме следните чекори.
Во мај нè очекува и првиот транснационален состанок во Хаг, Холандија, каде ќе продолжиме со планирање и конкретна реализација на активностите.
