Со исклучок на децата со можеби вродени афинитети кон математиката, ретки се оние кои уживаат на часовите по математика. Особено кога тема на часот е табеларно множење. 🫣 Меѓутоа, ООУ „7 Марси“ од Челопек, општина Брвеница покажа како и овие часови знаат да бидат интересни до степен и други ученици – од постарите генерации да се вклучат.
Како им успеа?! Едноставно, од училница, математиката ја изнесоа на отворено – во природа, пак и вклучија природни материјали во играта.
Темата на часот кој го водеа одделенските наставници Даниела Тодоровска и Тони Тодоровски беше „Множиме со природни материјали“. Па така, на испечатена табела, учениците од комбинирана настава од II и IV, III и V одделение имаа за задача да лепат природни материјали од училишниот двор како: лисја, детелина со 3 листа за множење со три, жолта пченка, портокалова леќа и сл. Пример, на едно место во табелата стоеше детелинка со три листа за да означи дека 1х3 = 3 или две детелинки со три листа за да означат дека 2х3=6 итн. Како тоа изгледаше на пракса?!
–
Активностите на отворено се организираат во рамки Glow проектот, кој освен во Македонија, се спроведува во Данска, Кипар, Португалија и Словачка. Проектот е поддржан преку Erasmus Plus програмата и истиот цели да поттикне едукативни активности со децата на отворено – во природа.
Еко Логик е партнер во овој проект.
