АНАЛИЗА НА СОСТОЈБИТЕ СО ЗЕЛЕНИТЕ ВЕШТИНИ ВО РЕПУБЛИКА СЕВЕРНА МАКЕДОНИЈА
Современиот човек се соочува со многу предизвици. Еден од позначајните е предизвикот за стекнување нови вештини со кои ќе придонесе во зачувување на загрозениот квалитет на животната средина и во борбата со климатските промени. Станува збор за поефикасно производство придружено со помали емисии на СО2, како и за производство поголеми количества енергија од обновливи извори.
На овој начин се дава соодветен придонес во процесот на зазеленување на економијата и во создавање основа таа постепено да станува одржлива. Во оваа смисла треба да се анализира појавата на зелени вештини што ќе соодветствуваат на тековните промени и процеси, но и на новопојавените зелени работни места. Зелените вештини треба постепено да придонесат за одржување и обновување на квалитетот на животната средина и избегнување идно оштетување на еко-системите.
Фокусот на овој дел од истражувањето насочен е кон анализа на стратегиите од областа на заштита на животната средина, одржливиот развој, но и кон други стратегии поврзани со овие проблематики. Направен е осврт и на стратегии и програми што се однесуваат на економскиот развој, особено на проблематиката на енергетската ефикасност, работната сила и вработувањето во нашата земја. Истиов истражувачки принцип е применет и кај анализата на одделните законски акти. Изборот беше направен врз основа на релевантноста на стратегиите и законските акти од аспект на проучуваната проблематика, т.е. создавање предуслови за креирање зелени вештини. Од аспект на временскиот хоризонт, анализата ги зема предвид актуелните стратегии и документи, но и оние што се изработени во текот на последните 15-20 години.
Притоа беше земена предвид намерата на нашата земја за интегрирање и пристапување кон ЕУ, што, во принцип, се рефлектира и во анализираните стратешки документи и правни акти што се изработени во согласност со стандардите на ЕУ.
Извршно резиме на Албански јазик
