Напредокот на проектот DIFERAL кон пилотирањето и пуштањето во употреба на МООС платформата.
Конзорциумот на проектот DIFERAL се состана во Тампере, Финска, во јуни 2026 година, на четвртиот Транснационален состанок на проектот и едукативниот настан ULOS-UT-OUT. Партнерите го разгледаа досегашниот напредок, дискутираа за претстојната пилот-фаза и ги
договорија завршните активности потребни за трансформирање на Рамката на компетенции на DIFERAL во целосно онлајн искуство за учење наменето за едукатори од цела Европа.
Во рамките на настанот ULOS-UT-OUT, проектот DIFERAL беше претставен пред меѓународна публика преку тркалезна маса посветена на диференцираното и инклузивното образование за животната средина.
По завршувањето на содржините за МООС платформата, проектот влегува во фазата на имплементација. Во оваа фаза ќе се реализираат микрокреденцијали, ќе се изработат едукативни видеа и визуелни материјали за учење, ќе се интегрира содржината на платформата, ќе се спроведе пилотирањето, преводот на материјалите и подготовките
за официјалното лансирање на платформата.
Следните чекори: пилотирање, повратни информации и лансирање!
