По неколку месечните подготовки, со задоволство ви го најавуваме АГИЛис, нашиот аудио поткаст за агилни вештини за државните службеници во малите општини. Промоцијата на поткастот ќе се случува на 22 јуни 2024 година во Рим, а на истата освен наши претставници, како и претставници на партнерите, ќе учествуваат и претставници на општини и други локални и регионални институции од Италија.
Инаку, АГИЛис се состои од кратки аудио предавања, организирани во 4 категории и тоа: меки и преносливи вештини, дигитални вештини, одржливост и серија од инспиративни епизоди за “што може, а што не“ во поддршка на агилната и паметна транзиција на општините. АГИЛис, е наменет за вработените во општините и особено во малите општини ширум Европа. Истиот, освен на македонски ќе биде достапен и на англиски, грчки и италијански.
АГИЛис е резултат на Еразмус+ проектот fEUture, спроведуван од Еко Логик и партнерите од Италија и Грција. Проектот, како и поткастот имаат за цел да промовираат доживотно учење, зелени и дигитални вештини, како и агилни модели на работа на општините ширум Европа.
