Во современиот воспитно-образовен процес во детските градинки и центрите за ран детски развој, едукацијата за животната средина и климатските промени зазема значајно место. Веќе од најраната возраст, од суштинска важност е децата да стекнуваат знаења за животната средина, да формираат позитивни ставови и вредности за заштита на околината од загадување и да придонесуваат кон одржување на здрава и чиста животна средина. Со преземање иницијативи и активности за обезбедување почиста и поздрава околина, општеството ќе создаде идни генерации кои ќе бидат еколошки едуцирани, со поголема еколошка свест и кои одговорно ќе се грижат за природата и живиот свет во неа.
Во програмата за рано учење и развој, базирана на стандардите за рано учење и развој, изучувањето на животната средина е интегрирано во многу содржини, особено во рамките на подрачјето на когнитивен развој и стекнување на општи знаења. За успешно постигнување на очекуваните резултати утврдени во програмата за рано учење и развој, потребно е да се реализираат квалитетни и креативни воспитно-образовни активности во рамките на планираната дневна тема, преку кои децата ќе се запознаваат и ќе учат за животната средина на интерактивен и забавен начин.Прирачникот се состои од 30 планирана на дневни активности за различни содржини од Програмата за рано ученье и развој, базирана на стандардите за рано ученье и развој, а кои се однесуваат на учење за животната средина и климатските промени. Планирањата на дневната тема се групирани по возрасни групи, за деца од 4 до 5 години и за деца од 5 до 6 години). За секоа возрасна група, планирањата на темата на денот/дневна подготовка се структурирани по теми кои опфаќаат содржини за животната средина:
Биодиверзитет, Екосистем, Климатски промени, Одржлив развој и Загадување.
