КУРС

Oд нула до
поодржливо живеење

Ако сакате да го проширите светогледот за да делувате локално
– макар тоа значело да се започне буквално од дома –
пријавете се на курсот „Од нула до поодржливо живеење“.

За кого е
наменет курсот?

Менаџери, управители и директори на сите нивоа и сектори во организации/ компании/ институции;
Вработени од сите нивоа во сектор за човечки ресурси, правен сектор, финансии, производство итн.
За лица кои сакаат да најдат примена на оваа тема во својот дом и околина;
Сите останати кои сакаат да ги надградат своите вештини и знаења во оваа област.

* Курсот не е наменет за оние што не веруваат во климатската криза.

Практична примена

Знаењата стекнати за време на курсот ќе може да ги примените во:

Домаќинство

Работа/ компанија

Училиште

Општини

Друго

Знаења и вештини

Со какви знаења и вештини ќе се стекнете?

Примена на придобивките од нула отпад со што значително би се поедноставило живеењетo;
Осознавање на важноста од намалување на сето она што го купувате и користите;
Заживување на навиката за пренамена/реупотреба на производи во домот и надвор од домот;
Да направите избор на алтернативите кои не создаваат отпад;
Познавања кое ќе ви овозможат заштеда на време и пари на долгорочен рок,
Придонес кон заштитата, унапредување на животната средина и инспирирање кон останатите;
Поврзување со природата;
Знаење кое ќе може да го употребите во секојдневниот живот, како и на работното место;

Што дополнително добивате?

Практични вежби за примена на наученото;
Список на практични предизвици соодветни на темата;
Увидување на практичната примена на наученото преку презентации, инсерти и дискусија;
Teст за стекнато знаење од курсот
Доделување сертификат

Информации за курсот

Овој курс е дел од посебната програма за возрасни: “Аналитичар за одржлив развој“ креирана од Еко Логик и верифицирана од страна на Министерство за образование и наука и Центарот за образование на возрасни.

Помалку ѓубре
– подобро здравје – повеќе слободно време – повеќе пари
Помалку ѓубре
– повеќе искуства – поздрава животна средина

Патот кон целта наречена нула отпад започнува од нас самите, чекор по чекор.

Пријавате се на курсот денес, за да ги осознаете придобивките кои ќе ги почуствувате во иднина.

Период на одржување:
Јануари – Февруари 2021 година

Динимика на одржување:
Два пати неделно, во текот на три недели

Платформа на одржување:
Zoom

Рок за пријавување:
25.01.2021 година

Цена на чинење:
2.999 денари (со можност за плаќање на рати)

Начин на пријавување:
Сите заинтересирани кои сакаат да земат учество на оваа обука може да се информираат на:
е-маил адреса: аndrijana.ecologic@gmail.com
телефон: 077 560-382

ПРИЈАВИ СЕ

Концепт и структура на предавања

Секое предавање ќе се состои од:

претставување на темата низ презентација и лични примери;
дискусија со учесниците согласно слушнатото/наученото;
ширење на видиците преку конкретен предизвик и поттикнување на акција во
пошироката заедница.

Модули кои ќе бидат обработувани:

Ова предавање ќе ги воведе слушателите во основите на нула отпад и петте златни правила како концепт, при што ќе се осврне и на концептите на циркуларната економија, јаглеродниот и водниот отпечаток, еко-расизмот, лажниот зелен маркетинг, регеренативното земјоделство, климатската отпорност и интерсекционалноста.

Во фокусот на ова предавање ќе биде првото од петте златни правила што ги смислува Беа Џонсон, според кое не треба да го прифаќаме она што не ни треба. Бонус тема: минимализам и брза/бавна мода

Низ примери и дискусија ќе се зборува за важноста од намалување на сето она што го купуваме и користиме. Бонус-тема: растителна исхрана, веганство и транспорт.

Поодржливото пазарење, поддржувањето на локалното производство и системите на храна ќе бидат тема на четвртото предавање, придружени со примери како пренамената/реупотребата да заживее како навика во домот и надвор од домот.

Ова предавање ќе даде одговор на прашањето „Дали рециклирањето ќе нè спаси од климатската криза?“. Ќе зборуваме за митот за рециклирањето и за рециклирањето кај нас.

Во фокусот на последното предавање е компостот, видовите компост и опциите за компостирање кај нас, заедно со последиците од фрлањето на храната, бавната храна и градењето заеднички општествени градини.

ПРИЈАВИ СЕ

Обучувач: Aндријана Папиќ Манчева

Задоволството од преведувањето и ден-денес ѝ потврдува дека воопшто не направила грешка што се запишала на Катедрата за превод и толкување на Филолошкиот факултет.

Во меѓувреме, од прва рака сфаќа дека ја понесуваат иницијативи кои ги живнуваат културниот дух на градот и волјата на поединецот.
Креативните напори за колективно добро ја исполнуваат со полет – па веќе цела деценија е дел од Фестивалот на креативен документарен филм „МакеДокс“, веќе неколку години будна ја држи и поривот за спасување на животната средина од сеприсутното ѓубре.

Откако ќе ја преведе книгата „Дом со нула отпад“ на Беа Џонсон на македонски, решава да тргне од нула и да се обиде да го намали сопствениот еко-отпечаток. Така се случува „Од нула до нула“. Од 2017 година работи во ХЕРА – Асоцијација за здравствена едукација и истражување како координаторка за комуникации.

Oд нула до поодржливо живеење

За кого е наменет курсот?