Почитувани деца, родители и наставници
Се започна кон крајот на 2018 година, кога заедно со 10тина основни училишта започнавме да работиме на интегрирање на темата велосипедизам. Гледајќи го интересот на учениците, наставниците, но и родителите посакувавме уште поголема опфатеност, посакувавме се повеќе деца да имаат шанса да бидат вклучени во нашите активности, дизајнирани за во училница (теорија) и надвор од неа (пракса). Задоволство ни е да споделиме дека во овој момент Вело Училишта брои повеќе од 100 тина активни членки-основни училишта од сите региони во Македонија.
Но, ние не застануваме тука. Напротив, продолжуваме уште повеќе, уште подобро, со крајна цел-се повеќе деца на велосипед, деца кои ги имаат потребните вештини за управување на велосипед, но и деца кои ги знаат и почитуваат сообраќајните правила.
Во портфолиото на Вело Училишта ќе имате шанса да се запознаете со нашата досегашна работа, за која е одговорен посветен тим на професионалци и ентузијасти, вљубеници во велосипедизмот.
Ви посакуваме безбедно возење!
