Прирачникот Еколошко образование и климатска писменост има за цел да ја развива истражувачката љубопитност кај децата и да ги насочува идните генерации кон одржлива, заштитена и здрава животна средина. Наменет е за наставници кои работат со деца на возраст 6-10.
Содржината на Прирачникот е составена од серија насоки за часови, во форма на сценарија.
Служи како средство за поврзување на теоретското знаење, практичната работа и реалните состојби во природата со цел развој на еколошката свест и раст на еколошката писменост.
Прирачникот е поделен во три главни дела:
А. Теоретско пренесување на наставата преку воведни активности;
Б. Изведување експерименти, демонстрација и теренска настава;
В. Отворени дискусии и сесии со прашања и одговори и рефлексија на наученото и сработеното.
Со овој прирачник се цели учениците да ја развијат својата истражувачка љубопитност, преку научниот метод да ја истражуваат природата и животната средина и да ја развијат својата еколошка свест.
