За да постигнеме вистинско зазеленување на нашата економија, неопходни нѝ се зелени кадри и таленти, кои ќе бидат главниот двигател во процесите на зелена транзиција. А, како поинаку да се постигне истото, ако не преку интегрирање на зелените теми и одржливоста во образованието?!
Токму на оваа тема, вчера (1 декември), разговаравме заедно со претставници на институциите, експертската јавност, како и средните стручни училишта во земјата.
Панел дискусијата која беше организирана во рамки на проектот „Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“ беше посветена на презентација на клучните наоди од Анализата на состојбите со зелените вештини во земјата, како и дискусија за искуствата од зелената едукација во училиштата.
– Ние мора да ја интегрираме одржливоста во националните системи за образованието и обука, истакна заменик министерот за образование, г. Лулзим Алиу.
Тој воедно потсети дека до овој момент, 121 наставник во државата ја минале обуката за интегрирање на образованието за животната средина и климатските промени во наставните програми. Дека се формирани 80 заедници за професионално учење, како и дека благодарение на квалитетните едукативни ресурси за училиштата, беа спроведени речиси 2.000 активности и експерименти во градинките и основните училишта.
– Центарот за стручно образование и обука ќе продолжи понатаму, градејќи одговорни партнерства во кои, секој чинител ќе вложи соодветен напор со цел обезбедување квалитетно стручно образование и обука, кое одговара на пазарот на трудот, рече заменик директорот на Центарот за стручно образование и обука, г. Асим Даил.
– Транзицијата на нашето општество кон поодржлива економија создава побарувачка за вешта работна сила, и таа работна сила мора да биде компетентна за да може да придонесе за процесот на озеленување на економијата, потенцираше заменик шефот на канцеларијата на УНИЦЕФ во замјата, г. Артур Ајвазов.
– Само иновативни и флексибилни бизниси може да просперираат и да придонесат кон просперитетна економија, рече заменик амбасадорот на Швајцарија во земјата, г. Лучиан Егертер.
„Зелената транзиција е од суштинско значење за забрзување на економскиот раст во Северна Македонија и регионот, особено имајќи ја предвид глобалната енергетска криза којашто ќе има многу лошо влијание на идниот раст“, додаде тој.
Панел дискусијата беше организирана во рамки на проектот „Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“, спроведуван од УНИЦЕФ со финансиска поддршка на Шведска.
Здружението Еко Логик e имплентациски партнер во истиот.
Конференцијата во целост, можете да ја проследите на следниот линк: https://www.facebook.com/EcoLogic.mk/videos/2455093148131769
Др. Проф. Наташа Даниловска
Како држава, ние сме обврзани не само да овозможиме пристап до соодветно стручно образование, но и да ги обучиме средношколците со соодветни вештини кои ќе им помогнат да најдат достоинствена работа. А, тука некаде влегуваат и зелените вештини без кои, не ќе биде возможна еколошка транзиција кон општества кои ефикасно ги користат природните ресурси.
Токму на оваа тема, во четвртокот, на 1 декември зборуваше почитуваната професорка д-р Наташа Данилоска. Во своето излагање посветено на Анализата на состојбите со зелените вештини во земјата. Таа и професорот д-р Пеце Недановски, инаку автори на анализата се фокусираа на средното стручно образование и застапеноста на зелените вештини во образовните профили и наставните предмети.
Од податоците и заклучоците кои професорката ги изнесе како резултат на истражувањето, во 19 струки и 93 профили кои беа предмет на анализа, кај само 33 профили се среќаваат квалификации со компетенции од сферата на зелените вештини.
Од 351 стручни наставни предмети пак, кај само 91 стручен предмет се интегрирани зелените вештини.
Дополнително, како што напомена професорката, иако има присуство на зелени вештини во средното стручно образование, најголем број од предметите се со релативно ниско ниво на интеграција на зелените вештини.
Анализата на состојбите со зелените вештини беше изработена и презентирана во рамки на проектот „Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“. Проектот е спроведуван од УНИЦЕФ со финансиска поддршка на Шведска. Еко Логик пак, е имплементациски партнер во проектот.
Проф. Др. Пеце Недановски
Како држава, ние сме обврзани не само да овозможиме пристап до соодветно стручно образование, но и да ги обучиме средношколците со соодветни вештини кои ќе им помогнат да најдат достоинствена работа. А, тука некаде влегуваат и зелените вештини без кои, не ќе биде возможна еколошка транзиција кон општества кои ефикасно ги користат природните ресурси.
Токму на оваа тема, во четвртокот, на 1 декември зборуваше почитуваната професорка д-р Наташа Данилоска. Во своето излагање посветено на Анализата на состојбите со зелените вештини во земјата. Таа и професорот д-р Пеце Недановски, инаку автори на анализата се фокусираа на средното стручно образование и застапеноста на зелените вештини во образовните профили и наставните предмети.
Од податоците и заклучоците кои професорката ги изнесе како резултат на истражувањето, во 19 струки и 93 профили кои беа предмет на анализа, кај само 33 профили се среќаваат квалификации со компетенции од сферата на зелените вештини.
Од 351 стручни наставни предмети пак, кај само 91 стручен предмет се интегрирани зелените вештини.
Дополнително, како што напомена професорката, иако има присуство на зелени вештини во средното стручно образование, најголем број од предметите се со релативно ниско ниво на интеграција на зелените вештини.
Анализата на состојбите со зелените вештини беше изработена и презентирана во рамки на проектот „Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“. Проектот е спроведуван од УНИЦЕФ со финансиска поддршка на Шведска. Еко Логик пак, е имплементациски партнер во проектот.
