Kон крајот на март и април, Здружение „Еко Логик“ организираше натпревар за градинките и училиштата во кој, право на учество имаа само оние кои ја минаа обуката „Искуствено учење и интеграција на концепти од природните науки, животната средина и климатските промени во образовниот систем“. Обуката беше организирана во 2021 година во рамки на проектот „Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“, спроведуван од УНИЦЕФ со финансиска поддршка од Шведска.
Тоа што е најважно, по повикот, избравме 8 иницијативи од редот на пријавени градинки и 5 иницијативи од редот на пријавени училишта. Една од тие 8 победнички младински иницијативи на градинките е и „Научно ЕКО катче“ на Елена Гоговска и тимот од градинката „Весели Цветови“ од Кисела Вода. Иницијативата имаше за цел да го трансформира празниот простор во градинката во забавно катче за децата, каде заеднички ќе учат и истражуваат за животната средина и климатските промени.
