Еко Логик со гордост го претставува проектот „Усогласување на менаџерските цели со влијанијата на туризмот“, финансиран од PONT. Овој проект има за цел да поттикне одржлив туризам и да обезбеди ефикасно управување со заштитените подрачја во планинскиот масив Корaб-Коритник, кој ги опфаќа териториите на Северна Македонија, Албанија и Косово.
Проектот се фокусира на заштитата на биодиверзитетот и управувањето со природните ресурси во заштитените зони, како што се шумите, ливадите и уникатните флора и фауна. Во тесна соработка со локалните заедници, ги идентификуваме заканите за животната средина, од климатските промени до несоодветното искористување на природните ресурси.
Заштитените подрачја како Корaб-Коритник имаат голем потенцијал за развој на еко-туризам, кој не само што ќе придонесе за економскиот раст, туку и ќе ја подигне свесноста за важноста на природната средина. Преку едукативни активности, спроведување на истражувања и вклучување на локалното население, го зајакнуваме одржливото управување и го штитиме природното наследство за идните генерации.
Клучни моменти од проектот:
- Одржливи практики: Проектот ги усогласи туристичките активности со целите за зачувување на природата, користејќи ги националните паркови Корaб-Коритник и Маврово како модели.
- Ангажирање на заедницата: Локалните организации и заедници одиграа клучна улога преку анализа на потребите.
- Иновативни алатки: Развивме Водич за мониторинг на терен, мобилна апликација и ГИС платформа за собирање податоци во реално време.
- Идни препораки: Предлагаме проширување на ГИС платформата на други заштитени подрачја и континуирано градење капацитети за одржливо управување со туризмот.
Проектот го поттикнува придонесот на еколошките актери во идентификација, разбирање и документирање на заканите кон вредностите на заштитените подрачја, фокусирајќи се на еко-туризам и учество на заедниците во управувањето. Придружете ни се во нашата мисија да создадеме одржлив туризам кој ја зачувува природата и обезбедува долгорочен баланс помеѓу развојот и заштитата на нашите заштитени зони.
Оваа активност е финансирана од PONT во рамките на проектот „Усогласување на менаџерските цели со влијанијата на туризмот“, спроведен од Build Green Group , во соработка со QSK Natura и Еко Логик.
