На 6 мај 2025 година, се одржа последниот онлајн состанок на партнерите на проектот GAIA – Good Governance and Sustainability in Sport Practice, каде што беа разгледани најважните прашања поврзани со финализацијата на проектот и претстојната завршна конференција.
Состанокот се одржа преку Zoom и на него учествуваа претставници од сите партнерски организации од Италија, Шпанија, Србија, Унгарија, Германија и Македонија. Во конструктивна и динамична атмосфера, партнерите дискутираа за финалните активности, завршниот извештај, последните комуникациски материјали, како и за логистиката и содржината на финалниот настан кој ќе се одржи во Скопје.
Конференцијата ќе се одржи на 20 мај 2025, од 13 до 17 часот, во амфитеатарот на Факултетот за физичко образование, спорт и здравје при УКИМ. Настанот ќе биде можност за сите засегнати страни – спортисти, тренери, волонтери и спортски менаџери – да се вклучат во важна дискусија за иднината на доброто управување и одржливоста во спортот.
Во агендата се вклучени воведни обраќања од деканот на факултетот и претставниците на Еко-Логик и проектниот координатор, презентации од европските партнери, дискусија за добри практики, работа во групи за идеи за идни проекти, и секако – доделување на сертификати за сите учесници.
Овој последен онлајн состанок ја потврди силната партнерска соработка и посветеноста на сите организации кон градење на поодржлив спортски екосистем. Завршната конференција претставува кулминација на двегодишната работа и напорите да се создаде GAIA мрежа која ќе го продолжи влијанието и по завршувањето на проектот.
Ве охрабруваме да бидете дел од настанот и да придонесете кон подобро утре за спортот!
Ве молиме потврдете го Вашето присуство тука најдоцна до 13/05/2025 https://shorturl.at/WgVsB
