Секој родител сака детето да му порасне во здрава и свесна личност со чувство на независност и емпатија. А, најдобриот начин да го постигнеме тоа е да ги изнесеме надвор – во природата; да ги поттикнеме да поминуваат што е можно повеќе време на отворено, социјализирајќи се со други деца, работејки на заеднички мали проекти за животната средина (се разбира) и живиот свет во неа.
Токму ваква една активност, во текот на ноември беше организирана во ЈОУГД „Срничка“ во Скопје. Групата „срнички“, заедно со нивната учителка Атинула Ничова, зборуваа и учеа за птиците така што, правеа хранилка за птици и ги набљудуваа птиците во дворот. Постои ли подобар начин да ја развиете љубовта на вашите деца кон природата и птиците од овој?!
–
Активностите на отоврено се организираат во рамки на Glow проектот, кој освен во Македонија, се спроведува во Данска, Кипар, Португалија и Словачка. Проектот е поддржан преку Erasmus Plus програмата и истиот цели да поттикне едукативни еко активности со децата надвор – на отворено. Еко Логик е партнер во овој проект.
