На 5 октомври 2022 година се одржа првиот ден од дводневната Конференција за искуствено учење од областа на животната средина и климатските промени (05-0.10.2022). На конференцијата учествуваа амбасадорката на Шведска – г-а Ами Ларсон Јаим, заменик-претставникот на УНИЦЕФ -. Артур Ајвазов, како и осумдесетина наставници и експерти.
– Преку работата на Еко логик во искуственото учење, УНИЦЕФ и вие, наставниците, покажавте дека знаењето не мора да се пренесува само преку книги и предавања, туку преку практична интеракција и учења преку правења, рече амбасадорката на Шведска.
– Годинава, за прв пат посветуваме конференција за едукација за климатски промени и животна средина, потенцираше Ајвазов, потсетувајќи дека влијанијата на климатската криза станаа толку очигледни што ги поткопуваат правата на секое дете. „Децата се поподложни на загадување и климатски промени, а деградацијата на животната средина е директна закана за способноста на детето да преживее, расте и напредува“, дополни тој.
Почнувајќи од август 2021 година, кога и започнаа активностите на Еко логик, се спроведоа повеќе од 1.700 експерименти во основните училишта, вклучени беа 8.570 ученици и поддржани беа неколку младински иницијативи на наставници-ментори. Дополнително, повеќе од 60 наставници од 58 основните училишта беа вклучени во обука за искуствено учење за животна средина и климатски промени, а пак, дополнитело, знаењето и искуствата преку професорите директно вклучени во обуките и активностите во рамки на проектот беше пренесено до повеќе од 600 наставници.
Конференцијата се организира во рамки на проектот „Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“, спроведуван од УНИЦЕФ со финансиска поддршка на Шведска.
Здружението „Еко логик“ е имплементирачки партнер во проектот.
Линк до целата конференцијата:
https://www.facebook.com/EcoLogic.mk/videos/1538996099869446
