Вчера, на 30 октомври, амфитеатарот на Нетавил се претвори во сцена каде што градот проговори – преку гласовите на активисти, експерти, средношколци и пензионери кои споделија една заедничка визија: Скопје заслужува да биде поубаво, позелено и похумано место за живеење.
Под наслов „Што со пост-изборно Скопје?“, граѓаните имаа можност да дискутираат, да прашаат и да слушнат идеи за иднината на својот град. Говорниците упатија јасни пораки: време е за градоначалници кои ќе го исчистат градот, ќе инвестираат во одржлив транспорт, ќе овозможат квалитетно домување, ќе стават крај на урбаниот и сообраќајниот хаос, и ќе создадат повеќе зелени површини и паркови достапни за сите.
Секој од говорите ја истакна важноста на зелената култура и еколошката свест – вредности кои се темел на подобро општество. Благодарност до сите учесници кои со своето присуство и пораки придонесоа за овој инспиративен настан.
Посебна благодарност до говорниците:
Билјана Дуковска од МППС МАПП, Андријана Георгиев од ТРН.мк, Ива Петрунова од Градот убав, Дамјан Балковски од URB-ARH, Андреј Рајтоски од Gradinarot.mk, учениците Миа, Калина, Ивана и Борјан од Еколошка заедница Орце – ЕЗО, Кирил Пржо од Институт за комуникациски студии, Драган Димовиќ од Зелен хуман град, Дарко Арсовски од Go Green, Никола Писарев, како и Нурие, Иванка, Љубица, Славица, Марија и Драгица од Здружението на пензионери Чаир.
Настанот беше организиран во рамки на Еразмус+ проектот Gea, со кој ја заокружуваме трогодишната приказна исполнета со активности за еколошко образование, инклузија и граѓанско учество.
Скопје има потенцијал – и луѓе кои се грижат.
Да продолжиме заедно да го правиме подобро.
