Experiential learning – testing of prepared activities / experiments on environment and climate change in primary schools (Week number 2)
Во период од 08.11 до 17.11.2021 година, 19 основни училишта од општините Виница, Штип, Градско, Демир Капија, Куманово, Чашка, Крушево, Битола, Новаци, Кавадарци, Велес, Брвеница, Охрид, Струмица и Дебар реализираа 49 подготвени активности/експерименти од страна на Еко Логик во рамките на проектот “Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“ спроведуван од УНИЦЕФ со финансиска поддршка на Шведската агенција за меѓународна соработка и развој (СИДА). Преку активности беа опфатени 993 ученици од основно училиште.
Активностите кои се реализираа а беа во насока на унапредување на образованието за животна средина и климатски промени беа:
- Вода и ерозија
- Профил на почва
- Растенија и ерозија на почва
Дел од коментарите од страна на наставниците беа:
- Активноста беше интересна за децата, поради тоа што прво низ соодветно видео го изгледаа експериментот, па потоа секој си имаше своја задача и улога. Со тоа лесно се дојде до конкретниот заклучок. (Емилија Несторова, Мирјана Танчева, ООУ Петре Поп Арсов, општина Чашка)
- Соодветна активност за подигната свест на деца од основно училиште за значењето на почвата во животот и функционирањето на човекот како и влијанието на надворешните фактори и климатските промени врз неа (Анка Ангеловска, ОУ Тошо Арсов, општина Штип)
#ecologic #екологик #животнасредина #климатскипромени #уницеф #искуствено учење
