Поддржан од : спроведуван од УНИЦЕФ со финансиска поддршка на Шведската агенција за меѓународна соработка и развој (СИДА
Временска рамка: Август 2021 до Август 2022 година
Здружението за заштита и унапредување на животната средина Еко Логик во текот на изминатите години континуирано работи на заштита и зачувување на животната средина, промоција на модерни еколошки практики, зелени работни места, адаптација кон климатски промени како и следење и практикување на концептот на одржлив развој.
Во рамките на досегашните спроведени анализи од областа на образованието за животна средина, зелени работни места и климатски промени како и постоењето на достапни дидактички материјали од страна на домашни и меѓународни организации и експерти, се увиде потребата за започнување на процес на унапредување на образованието за животна средина и климатски промени на територија на нашата држава.
Со цел да ја унапреди моменталната ситуација со образованието за животна средина и климаткси промени, , Здружението за заштита и унапредување на животната средина Еко Логик започна со имплементирање на активности во рамките на проектот “Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“ спроведуван од УНИЦЕФ со финансиска поддршка на Шведската агенција за меѓународна соработка и развој (СИДА). Проектот има основна цел да ги надгради постоечките, но и да креира нови вештини и знаења кај образовните институции низ земјата, акцентирајќи ги просветните рабоптници и учениците. Ова е планирано да се реализира преку креирање и интегрирање на наставни и вон-наставни програми, дидактички материјали, но и тренинг програми наменети за просветните работници, се со цел обезбедување на идно ефикасно, иновативно и интерактивно образование во областите на заштита на животната средина и климатските промени.
Програмата е поделена во неколку фази, при што првата ќе се спроведе во временски период од Август 2021 до Август 2022 година.
Програмските активности вклучуваат:
- Спроведување на истражување и подготовка на анализи на образовни програми и ресурси за климатски промени и животна средина во предучилишно образование и средно образование (вклучително и зелени работни места, зелени вештини) како и основно мапирање на НВО и нивните капацитети во рамките на образованието за животна средина
- Подготовка на едукативни материјали и ресурси (активности, видео материјали, едукативни игри) со активности за животна средина и климатски промени наменети за градинки и основни училишта како и насоки за нивно спроведување
- Градење на капацитети на наставници и персонал од градинки и основни училишта за реализација на активности за климатски промени и животна средина
- Поддршка и реализација на младински иницијативи и подигнување на свест за значењето на образованието за климатски промени и животна средина
- Спроведување на истражување и подготовка на публикација со цел зајакнување на образованието и можностите за зелени работни места како и зелени вештини
