Превземи Јавен повик (doc)
Здружението на граѓани “Еко Логик“ и здружението “Хуманост“ почнувајќи од 19-ти декември 2017 година започнаа со спроведување на проектот “Инклузивен пазар на труд за одржлив развој на заедницата“, кој е финансиран од Европската Унија, преку Сектор за централно финансирање и склучување договори (ЦФЦД) при Министерството за финансии на Република Македонија.
1. Краток опис на проектот
Предложената акција се фокусира на унапредување на две различни професии преку создавање на две нови програми за стручно образование и обука, една програма за обучувачи за помош на стари лица во домашни услови и друга за аналитичари за одржлив развој. Темите кои се насочени во акцијата се наменети за истата целна група, млади невработени лица, мажи и жени, вклучувајќи и млади луѓе од маргинализирани групи.
2. Цели на проектот
Генерална цел:
Подобрување на државни насоки и политики поврзани со невработеност на млади, социјални услуги и претпримеништво, и давање на насоки за нивно доближување кон тековни сродни ЕУ насоки и политики, преку остварување на клучен дијалог со политички актери, граѓански организации, бизнис заедница и други.
Специфични цели:
- Цел 1: Вклучување на граѓански организации во процесот на креирање на насоки и политики, како и подобрување и предложување на реформи во приоритетни сектори на теми вон-институционална грижа и социјални услуги за стари лица, како и одржливост и животна средина.
- Цел 2: Усогласување на вештините на младите луѓе со потребите на пазарот на трудот, во согласност со најдобрите практики достапни во ЕУ.
- Цел 3: Започнување на клучен дијалог со политички актери, бизнис заедница и граѓански организации со цел детерминирање на нивната улога во овозможување на одржливост и инклузија, преку иновативен и партиципативен пристап.
- Цел 4: Обезбедување на поатрактивно образование и тренинг програми преку креирање и користење на ИКТ базирани методологии кои ќе водат кон подобрување на процесите на препознавање и валидација на компетенции и вештини.
Со цел имплементација на проектот, Граѓанското здружение Еко Логик објавува јавен повик за ангажирање на специјалист за социјални медиуми.
3. Работни задачи на специјалистот
Ангажираниот специјалист за социјални медиуми во рамките на проектот ќе треба да ги извршува следните работни задачи:
- Подготовка на план за промоција
- Одржување на профилот на проектот “Инклузивен пазар на труд за одржлив развој на заедницата” на социјални медиуми (Facebook);
- Креирање на содржини (текст, слики или видео) за профилот на проектот;
- Објава на тековни активности;
- Спроведување на кампањи и реклами на профилот на проектот;
- Истражување на трендови и соодветна адаптација на комуникацијата;
- Изработка на месечни извештаи за следење на состојбата со бројот на следбеници на профилот, лајкови, коментари и споделувања на објавите и сл.;
- Изработка на извештаи за резултати од платени реклами;
- Соработка со проектниот тим за дефинирање на содржината на објавите.
Останатите потребни информации како и потребната документација (кратка биографија, мотивационо писмо и финасиска понуда) ќе ги најдете во самиот повик на линкот погоре.
Краен рок за доставување на документацијата е најдоцна до 31.08.2018 година до 17.00 часот.
