БЕЗБЕДНОСТА ВО СООБРАЌАЈОТ НИЗ ПРИЗМА НА СРЕДНОШКОЛЦИТЕ
Здружението на граѓани „Еко Логик“, во рамките на „Вело училишта“ и „Училиште за одржлив развој“, спроведе анкета помеѓу средношколците на ниво на Град Скопје, во насока на прикажување за користењето и, истовремено, познавањата на темата велосипедизам на средношколците, како и нивните предизвици со кои се соочуваат во секојдневието при возењето велосипед.
Иако во изминатите години Град Скопје направи одредени напори за подобрување на велосипедската инфраструктура, сè уште сме далеку од тоа да се наречеме вело-град.
Одговорите од спроведената анкета го потврдуваат тоа.
Исто така, оваа евалуација прикажува и споредбена анализа на резултатите добиени од анализата спроведена во 2020 година, што дотолку ја потврдува тековната состојба низ призма на средношколците, при што тие јасно истакнуваат дека постојано се соочуваат со предизвици и пречки во сообраќајот во ннивната непосредна околина.
Потребно е вклучување на сите засегнати страни за унапредување на вело-културата пред сè, а потоа и унапредување на велосипедската инфраструктура.
