Колку девојките и жените во иднина ќе бидат рамноправни учесници на пазарот на трудот кој, се’ позасилено е во потрага по т.нар., „зелени таленти“ ќе зависи од нивната способност и знаења да нудат „зелени“, иновативни и одржливи решенија, како во приватниот „зелен сектор“, така и во јавниот.
Но истото ќе биде возможно само доколку на девојките и жените им овозможиме еднаков пристап до не само квалитетно образование, но и едукација за „зелени вештини“.
Токму затоа, Здружение „Еко Логик“ и „Видливост“, заедно со партнерите од Србија, почнувајќи од 25 октомври 2022 година организираат три одделни обуки за девојки и жени, фокусирани на јакнење на нивните зелени вештини и компетенции, практични и теоретски знаења за еко иновации, како и за темите поврзани со одржлив развој.
Обуките се спроведуваат во времетраење од два месеци. Истите ќе завршат заклучно со декември 2022 година. По завршувањето на обуките и особено практичниот дел од обуките, околу 20 девојки и жени – учеснички во обуките ќе се здобијат со сертификати за успешно завршена обука.
Трите обуки за кои, Еко Логик имаше објавено јавен повик за пријавување на учесници се организираат во рамки на проектот Green Skills 4 Women. Истиот е дел од Еразмус+ програмата и е поддржан од Национална агенција за европски образовни програми и мобилност.
