Experiential learning – testing of prepared activities / experiments on environment and climate change in primary schools (Week number 1)
Во период од 29.10 до 10.11.2021 година, 14 основни училишта од општините Виница, Штип, Демир Капија, Куманово, Тетово, Крушево, Битола, Новаци, Велес, Брвеница, Охрид, Струмица и Дебар реализираа 38 подготвени активности/експерименти од страна на Еко Логик во рамките на проектот “Охрабрување на децата и младите во Северна Македонија да станат двигатели на промените за намалување на ранливоста на заедниците од климатските промени“ спроведуван од УНИЦЕФ со финансиска поддршка на Шведската агенција за меѓународна соработка и развој (СИДА). Преку активности беа опфатени 649 ученици од основно училиште.
Активностите кои се реализираа а беа во насока на унапредување на образованието за животна средина и климатски промени беа:
- Одржлива градина
- Фаќач на дожд
- Преку спорт до одржливи цели
Дел од коментарите од страна на наставниците беа:
- Активноста може да се реализира во повеќе денови со поставување фаќачи на дожд во повеќе дождливи денови и притоа доколку во близина има можност да посетат метеоролошка станица со цел да се види практична употреба на овие фаќачи на дожд. (Сеад Ибраимоски, ОУ Пенестиа, општина Дебар)
- Активноста е одлично разработена, разбирлива, лесна за реализација и придонесува за постигнување на дадената цел (збогатени и проширени знаења кај учениците и развиена свест за заштита на водата, растенијата и храната од влијанието на негативните ефекти на климатските промени) (Анка Ангеловска, ОУ Тошо Арсов, општина Штип)
#ecologic #екологик #животнасредина #климатскипромени #уницеф #искуствено учење
