Qëllimet e lojës:
Qëllimet e kësaj loje sociale edukative ndërvepruese të emërtuar X/O (iks – Oks), të cilat planifikohen të
arrihen duke luajtur, janë:
• Plotësimi i kapaciteteve ekzistuese të kuadrit arsimor për realizimin e aktiviteteve në fushën e të
mësuarit eksperiencial (të mësuarit sipas përvojës) me fokus në temat e burimeve të energjisë, llojet e
mbeturinave dhe biodiversitetin.
• Promovimi i lojërave ndërvepruese në sistemin arsimor të Maqedonisë dhe mësimi i temave nga fusha
e mbrojtjes së mjedisit jetësor dhe ndryshimeve klimatike.
Grupi i synuar dhe kohëzgjatja:
Loja iu dedikohet fëmijëve në moshë prej 6 deri 14 vjet, dy ekipe (ose individë), ndërsa kohëzgjatja e
planifikuar e lojës (për një set/grup) është 30 minuta.
Elementet e lojës:
Grupet/setet edukative në kuadër të paketës së lojës ndërvepruese X/O përgatiten me informacione të
përshtatshme nga fushat e përzgjedhura (burimet e rinovueshme dhe jo të rinovueshme të energjisë,
llojet organike dhe joorganike të mbetjeve, biodiversiteti) dhe janë të destinuara për ngritjen e
kapaciteteve të nxënësve të shkollave fillore të moshës nga 6 deri në 14 vjeç, me qëllim përmirësimin e
edukimit për mbrojtjen e mjedisit dhe përshtatjen ndaj ndryshimeve klimatike.
