На 28 и 29 септември 2022 година Еко Логик и Вело УЧилишта беа во работна вело-посета на од ООУ „Петре Поп Арсов“ од Богомила. Посетата беше организирана во рамки на проектот „Safer Routes“, кој има за цел да промовира побезбедни патишта за учениците во руралните средини – од нивните домови до училиштата и назад.
Средбата всушност беше прв работен состанок и работилница на темата, вклучително и средба и презентација на проектот и неговите активности пред г-динот Горан Стојановски, градоначалник на општина Чашка.
Освен тоа, партнерите имаа можност од прва рака да го тестираат руралниот сообраќај, возејќи велосипед со нас, од Оморани – Чашка – Велес – Скопје (по стар пат).
–
Проектот Safer Routes е дел од Еразмус+ програмата. Истиот е поддржан од Национална агенција за европски образовни програми и мобилност.
Честопати велосипедот е примарно, некогаш и единствено средство што децата во руралните средини го користат за превоз од дома до училиште и од училиште до дома. Затоа и, едукацијата на овие ученици за како безбедно и правилно да возат во сообраќај; да користат рачна сигнализација; да ги препознаваат, но и почитуваат сообраќајните знаци, да носат заштитна кацига, како и, редовно да го одржуваат велосипедот и неговите делови се особено важни заради нивна лична безбедност, но и безбедност на останатите учесници во сообраќајот.
Но, тоа не значи само едукација на децата или едукација на наставниците, ами значи и отворена и многу, многу сериозна соработка со општините заради, побезбедни патишта за децата – велосипедисти, како и соработка и размена на позитивни практики и искуства со други држави ширум Европа.
Со токму таа намера и, од 6 до 8 ноември, Здружение „Еко Логик“, како креатор на програмата Вело Училишта организираше студиска посета за наставници во Унгарија. Целта на посетата во која вклучени беа ООУ „Петре Поп Арсов“ од с. Богомила, Чашка беше, нашите наставници да се запознаат со работата на нивните колеги од рурална Унгарија (Csomad), како и да дискутираат за добрите практики на одржлив транспорт кои ги има во ЕУ земјите, вклучително и кај нас, во Македонија.
Студиската посета во која учествуваа претставници на Еко Логик и наставниците од нашата Вело членка ООУ „Петре Поп Арсов“ беше организирана во рамки на проектот „Safer Routes for Cycling in Rural Areas”. Проектот Safer Routes е поддржан од Национална агенција за европски образовни програми и мобилност.
