Координатор за развој и имплементација на ЕУ-финансирани проекти
Локација: Скопје (Карпош)
Тип на ангажман: Полно работно време (40 часа неделно), работа во канцеларија
Рок за аплицирање: 25.04.2025
Процес на селекција:
▪️Првична селекција на кандидати – до 30.04.2025
▪️Интервјуа со селектирани кандидати – 05–07.05.2025
▪️Тест активност (концепт-нота) –08–09.05.2025
▪️Финална одлука и известување – до 12.05.2025
▪️Планиран почеток: 15.05.2025
За нас – Еко Логик
Еко Логик е граѓанска организација посветена на одржлив развој, климатска акција, животна средина, циркуларна економија, социјални теми но и многу друго – се во насока на унапредување на образовните системи на различни нивоа, како и зајакнување на сите во заедницата. Дел сме од повеќе национални и европски конзорциуми и активно работиме на проекти што носат реални промени за луѓето и заедниците.
Што бараме?
Бараме човек за развој (мапирање на повици, планирање концепти, подготовка/пишување на целосни апликации) проактивна, креативна и стратешки ориентирана личност, која ќе има важна улога, првично во детектирање на повици, развој и пишување на проектни апликации, а дополнитлено, и во зависност од достапното време и капацитети и во координација на идни ЕУ-финансирани проекти.
- ▪️3(три) години искуство со европски програми,
- ▪️вештини за пишување, комуникациски способности,
- ▪️капацитет за целосна подготовка на проектен циклус (од идентификување на повици, развој на идеја до момент на аплицирање).
- ▪️oдлично познавање на европските програми достапни за Македонија
Главни одговорности:
- ▪️Истражување и идентификација на релевантни ЕУ програми и повици, особено: Erasmus+ (различни категории и клучни акции), Forward-Looking Projects, Creative Europe, COVE, Horizont, CERV (искуството во овие програми ќе биде предност, но нема да претставува одлучувачки фактор)
- ▪️Развивање на концепти, логичка рамка и активности
- ▪️Пишување на проектни апликации (наратив, буџет, прилози)
- ▪️Комуникација и координација, интерно, но и со меѓунардони партнери
- ▪️Следење на рокови и административна усогласеност
- ▪️Придонес во развој на проектна стратегија и интерни процеси
- ▪️Вклучување во тековни проекти: координација и/или имплементација на одредени активности/работни пакети (оваа активност се јавува како можност, по завршување на тест периодот, и во периоди во кои нема да се подготвуваат проектни апликации).
Потребни квалификации:
- ▪️Универзитетско образование: општествени науки, животна средина, циркуларна економија, европски студии (универзитетското образование ќе биде предност, но нема да биде одлучувачки фактор)
- ▪️Најмалку 3 години искуство во развој и подготовка на ЕУ апликации
- ▪️Искуство со имплементација и известување за ЕУ проекти
- ▪️Одлично познавање на англиски јазик
- ▪️Способност за самостојна и тимска работа
- ▪️Напредно користење на MS Office, Google Drive и дигитални алатки
- ▪️Подготвеност за патувања во странство (проектни состаноци, обуки и сл.)
Што нудиме:
- ▪️Полно работно време (40 часа/неделно)
- ▪️Почетен договор на дело (3 месеци), со можност за редовно вработување
- ▪️Бонуси за секоја одобрена апликација каде кандидатот има активна улога во нејзин развој
- ▪️Можности за обуки и патувања
Дополнителна можност:
Отворени сме и за повремена соработка со фриленсери при сезонски повици.
При аплицирање, наведете го типот на соработка што ве интересира, со цел да ве имаме во нашата дата база.
▪️Напомена: кандидатите кои се пријавуваат за полно работно време имаат предност.
Тест активност:
Кандидатите кои ќе влезат во потесен избор ќе добијат тест задача – кратка концепт-нота базирана на реален или симулиран повик. Време за изработка: 2 дена.
