Со задоволство објавуваме дека Еко Логик е избрана како една од деветте невладини организации кои стануваат дел од „Ресурсен Центар Карпош“.
Во Општина Карпош се одржа првиот координативен состанок на Центарот, со учество на девет организации избрани преку јавен повик. Средбата означи почеток на нова платформа за поврзување, размена на знаење и создавање заеднички иницијативи во интерес на локалната заедница.
Организациите вклучени во Центарот работат во различни области – од млади, спорт и екологија, до поддршка на лица со попреченост, енергетска ефикасност, бизнис-сектор и други теми од јавен интерес.
Преку „Ресурсен Центар Карпош“ се отвора простор за нови партнерства, заеднички проекти и иницијативи, како и за поголемо граѓанско учество во локалната заедница.
За Еко Логик, ова е можност да го споделиме нашето искуство во областа на животната средина и одржливиот развој, но и да се поврземе со организации со кои можеме заеднички да создадеме позитивни промени.
Ова е само почеток на една нова мрежа.
Ги повикуваме и другите граѓански организации и иницијативи да се приклучат и заедно да создадеме повеќе можности за соработка, знаење и промени во заедницата.
