На 31 јули, го организиравме последниот настан од проектот “Дизајнерско размислување за социјална инклузија”, кој имаше за цел да ги презентира резултатите и активностите на проектот. Овој настан исто така ја промовираше нашата платформа за е-учење, посветена на примена на процесот на дизајнерско размислување во сферата на социјалната работа, животната средина, одржливото менаџирање и социјалното претприемништво.
Настанот собра претставници од граѓански организации кои работат на полето на животната средина, социјална инклузија, родова еднаквост, социјално претприемништво, како и едукатори и претставници од општини и локални институции.
Ова беше одлична можност да споделиме клучни лекции за организација на работилници за дизајнерско размислување, со цел ко-креирање решенија за конкретни предизвици и проблеми со кои се соочуваат вашите организации, институции или целни групи, и развивање на услуги и производи кои одговараат на нивните потреби и интереси.
Проектот “Дизајнерско размислување за социјална инклузија” е ко-финансиран од Европската Унија преку програмата Еразмус плус и се спроведуваше во Германија, Австрија, Италија, Данска, Кипар и Македонија.
Благодариме на сите учесници за вашата поддршка и учество. Следете не за повеќе интересни активности и работилници во иднина!
