Одржливиот развој започнува со едукација! Во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со Еко Логик и Флорозон Центар за еколошка демократија, реализиравме интерактивна работилница со ученици од ООУ „Круме Кепески“ од Општина Кисела Вода. Оваа иницијатива, поддржана од Владата на Швајцарија преку Цивика мобилитас, им овозможи на младите да се запознаат со важноста на управувањето со биоотпадот и неговата трансформација во корисни производи.
Изминатата недела во биотехнолошката лабораторија
Изминатата недела во биотехнолошката лабораторија, беше реализирана работилница во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со Еко Логик и Флорозон Центар за еколошка демократија.
Проактивност и желба за учење
Со учество на 20 ученици, работилницата донесе нова енергија и инспирација. Учениците не само што покажаа голема заинтересираност, туку и демонстрираа претходно знаење за темата. Нивниот ентузијазам и активна вклученост ги потврдуваат заложбите за создавање свесна и одговорна младина која е подготвена да преземе чекори кон одржлива иднина.
Од биоотпад до корисен ресурс
Работилницата ги запозна учениците со техники за трансформација на биоотпадот во корисни производи кои можат да се применат во различни индустрии – фармакологија, козметика, прехранбена индустрија и многу други. Ова не само што ја подигна свеста за важноста на циркуларната економија, туку и им овозможи на учениците да стекнат практични вештини кои можат да ги применат во секојдневниот живот.
„Сакаме работилницата да трае уште повеќе!“
Нивната конечна порака беше јасна – „Сакаме работилницата да трае уште повеќе!“ Овој фидбек е доказ дека сме на вистинскиот пат во постигнувањето на проектните цели. Создавањето на генерации кои ја разбираат важноста на одржливите технологии е клучен чекор кон подобра иднина.
Образованието за циркуларна економија и управувањето со органски отпад е неопходно за создавање одржливи заедници. Горди сме што имавме можност да работиме со овие инспиративни ученици и со нетрпение очекуваме уште многу вакви иницијативи.
Благодарност до Цивика мобилитас и Владата на Швајцарија за поддршката! Заедно градиме позелена и поодржлива иднина!
