Во текот на 2023 година, партнерите во Еразмус+ проектот „PREPARE“ предводен од Општина Ушак, Турција, а спроведуван од организации и општини и од Македонија, Грција и Италија, спроведоа серија активности кои имаа за цел да истражат различни аспекти на одржливиот туризам и зелените работни места во четирите држави. Оваа транснационална брошура за студии на случај е резултат на тие активности. Брошурата е изработена со поддршка на Европската Унија, преку Еразмус+ програмата и Турската национална агенција. Истата има за главна цел да го прошири знаењето за зелените работни места и вештини на иднината, фокусирајќи се првенствено на темата одржливост и на секторот туризам, како и на темата јакнење на зелената економија. Брошурата претставува консолидирана и компаративна анализа на податоците собрани преку примарни и секундарни истражувачки активности реализирани во рамки на проектот во четирите држави – учеснички во проектот и тоа, Грција, Италија, Северна Македонија и Турција. Преку сеопфатната анализа на националните наоди, овој извештај има за цел да презентира иницијативи и практики на тема одржлив туризам, воспоставени во четирите држави; да ги нотира пречките со кои секторот туризам се соочува, како и да проследи информации за тоа, како различните засегнати страни во четирите држави, одговориле на истите. Врз основа на анализа на релевантна литература и резултатите од теренското испитување, заклучокот кој може да се направи е дека, и покрај значителниот напредок во однос на одржливиот туризам, има уште многу што да се направи. Во сите четири држави беше забележан висок процент на испистаници кои покажаа недостаток на знаење и разбирање за прашањето за одржлив туризам и зелени работни места. Како резултат на тоа, она што се појави како апсолутна неопходност за унапредување на туризмот е обезбедување на обука и доквалификација во областа на одржлив туризам за сите возрасти. Ваквата обука и доквалификација се неопходни за создавање на еко-свесна генерација која ќе продолжи да промовира и да се залага за одржливи и зелени практики, политики и иницијативи.
Брошура за студии на случај и транснационални наоди на тема одржлив туризам и зелени работни места
Во текот на 2023 година, партнерите во Еразмус+ проектот „PREPARE“ предводен од Општина Ушак, Турција, а спроведуван од организации и општини и од Македонија, Грција и Италија, спроведоа серија активности кои имаа за цел да истражат различни аспекти на одржливиот туризам и зелените работни места во четирите држави. Оваа транснационална брошура за студии на случај е […]
