Со гордост објавуваме дека Еко Логик доби грант за својот концепт Bure Cycle – креативно и одржливо решение за паркирање велосипеди, изработено од повторно искористени метални буриња и стари велосипедски гуми. Оваа поддршка ни овозможува да започнеме со имплементација на проектот, со цел да ја поттикнеме циркуларната економија и одржливата мобилност.
Концептот беше развиен и претставен во рамки на првата Академија за циркуларна економија, организирана од АРНО. Академијата обедини 12 тимови со иновативни и еколошки насочени идеи и претставуваше извонредна можност за учење, соработка и развој. Преку работилници, менторства и вмрежување, ја зајакнавме нашата визија и ја поставивме основата за нејзина реализација.
Со Bure Cycle сакаме да покажеме дека од отпадот може да се создадат функционални и убави решенија кои одговараат на потребите на заедницата и истовремено го промовираат циркуларниот начин на живеење.
Следува највозбудливиот дел – имплементацијата.
