Традиционално и оваа година Еко Логик беше дел од ЕХО Фестивал на планински филм. Бевме посветени на најмладите гости -децата, организирајќи им интерактивни работилници. Работилниците беа реализирани во два дена и на два дела. Децата заедно со учителките Биби и Цаци учеа „Како се ослободува јаглеродот“ ; „Како растат цвеќињата“, „Реакција при горење на топол воздух“.Вториот дел беше посветен на нивната имагинација и креативност, па преку Лего коцките градеа „Куќа од соништата“; „Изградба на твојот пат до училиште“; „Изградба на училиштен двор“.
Вториот ден од работилницата беше под наслов „Правиме мебел од рециклирани материјали„
Овие работилници се дел од Erasmus plus проектот #TUDEC – Through Upcycling to the Design of Eco Cities.
„Во интеракција со природата“ – експериментални активности
„Град за сите сетила„ – градиме со Лего коцки
Првиот ден работилницата беше поделена во два дела. Децата заедно со учителките Биби и Цаци правеа експериментални активности. Учеа како се ослободува јаглеродот, како растат цвеќињата. Вториот дел од работилницата беше посветен на нивната имагинација, каде преку градење со Лего коцки правеа градови од соништата.
„Правиме мебел од рециклиран материјал“
„Секојдневните производи кои ги користиме и потоа завршуваат во отпад, овој пат не завршија во отпад, туку направивме мебел од нив“ – учесниците од Еко Логик работилницата дел од Ехо Филм Фестивал
Втората работилница на Ехо Филм Фестивал беше наменета за рециклирање. Децата користеа веќе искористени материјали ги обликуваа и направија табуретки за седење. Преку оваа активност децата ја развиваа моториката и ги подобруваа своите вештини за боење. Тука секако беа нивните две учителки Биби и Цаци и едукаторот Анета кои им ја покажаа техниката за правење мебел од рециклиран материјал.
